Tro Angharad Lee yw hi heddiw i ateb cwestiynau busneslyd Ateb y Galw.

Mae Angharad o’r Porth yn y Rhondda ac erbyn hyn yn byw yn Nhonyrefail.

Mae hi’n gyfarwyddwr theatr, opera a ffilm. Hi yw Cyfarwyddwr Artistig Cynhyrchiadau Leeway a hi hefyd yw Arweinydd Adran Actio yn Academi Llais a Chelfyddydau Dramatig Cymru.

Mae gan Angharad wythnos brysur iawn o’i blaen yn yr Eisteddfod; hi sy’n cyfarwyddo’r addasiad newydd o Nia Ben Aur sy’n cael ei berfformio yn y pafiliwn ac mae hi hefyd yn cael ei hurddo i’r Orsedd.

Yr atgof mwyaf clir yw pan es i i wylio Dad yn The Wizard of Oz. Cynhyrchiad amatur oedd hi.

Roedd e’n chwarae The Tin Man ac mae’r foment ‘na yn y sioe ble mae’n rhwdu a methu symud. Wy’n cofio bod mor upset ac yn llefen y glaw, ac yn gweiddi allan i rywun ei helpu achos on i’n meddwl fod Dad wedi mynd yn stuck am byth. On i tua pedair mlwydd oed.

Ma cymaint o’r wlad ‘wy’n dwli arno. Y lle ‘nath roi gwellhad i mi mewn cyfnod anodd iawn yn fy mywyd oedd Gwbert yn Aberteifi, felly wna i ddewis hwn.

Hwyl, Cariadus, Hael (wedi gofyn i’r teulu am hwn achos ‘wy’n siŵr bo’ fi’n pethe gwahanol i bobl gwahanol, ond fy nheulu yw FY mhobl).

Trio rhoi tent lan yn Newgale yn ymladd y gwynt a’r glaw a pawb yn chwerthin arna i, a neb yn helpu. Wedyn yn rhoi lan, agor botel o win, rowlio’r tent i mewn i belen a cysgu yn awning fy chwaer yn lle….

Eto, ma’ cymaint, ond wna i ddewis y noson nes i dyweddio yn Efrog Newydd. ‘Nath Mike ofyn i mi ei briodi tu fas i’r Actor’s Studio yn NYC. (Credu mai fluke oedd hwn!)

Aethom ni i far jazz a ddim wedi sylweddoli fod mesuriadau diodydd alcohol yn Efrog Newydd bron i ddwbl ein rhai ni yng Nghymru felly aeth hi bach yn ddwl, ond noson llawn cariad a chyffro i’r dyfodol gyda’r dyn mwyaf hyfryd ‘wy’n nabod.

Os oes rhywun yn delio gyda’r Perimenopause ar hyn o bryd, ma’ rhywbeth yn digwydd pob dydd dyddie ‘ma… ond credu mai parcio’r car ar stryd yng Nghaerdydd, yna mynd nôl i chwilio amdano a methu cofio ble ddiawl ‘nes i barcio.

Ffonio fy nghariad i ddod i fy nôl, a gorfod gyrru rownd y strydoedd gyda allwedd fy nghar allan o’r ffenest yn gwasgu’r botwm pob dwy eiliad mewn gobaith o ddod o hyd i’r car drwy ei agor.

Pob tro wy’n gwylio Trying ar Apple TV. Sgript a theledu twymgalon a chwaethus.

‘Wy’n dwyn dillad fy merch, Sara. Sai’n lico prynu dillad newydd. ‘Wy’n casau siopa ond hefyd yn meddwl dylen ni gyd rannu dillad fwy.

Os ‘wy’n rhoi llun o’n hun ar Instagram, fel arfer ‘wy’n ca’l tecst gan Sara yn cwyno bo’ fi wedi dwyn rhywbeth arall y dydd hwnnw!

Fy hoff film – hands down – yw The Notebook. ‘Wy’n hopeless romantic.

Tadcu, dad fy mam. Bu farw pan o’n i’n 10 mlwydd oed.

Roedd e’n filwr yn yr Ail Ryfel Byd a fe oedd un o’r milwyr cyntaf i gyrraedd gwersyll-garchar Belsen a’i ryddhau.

‘Wy’n cofio roedd PTSD ofnadwy arno a ‘wy’n difaru ddim gwbod mwy am beth aeth e trwyddo a dod i ddeall sut ‘nath e ddod o hyd i heddwch wrth fyw gweddill ei fywyd.

‘Wy’n gallu troi fy llaw neu fy nhroed i lot o chwaraeon gwahanol.

Chwaraeon o’dd fy mheth pan o’n i’n ifanc iawn. O’n i’n rhan o griw bach ‘nath sefydlu Merched Clwb Rygbi Cymru Caerdydd ar ôl chwarae fel tîm yn y gystadleuaeth Golden Oldies. Ma’r tîm yn mynd o nerth i nerth a newydd ennill Y Powlen Cenedlaethol. Lico’r etifeddiaeth bach ‘na.

Bod gyda’r teulu yn yr ardd. Lot o win, BBQ, cerddoriaeth a chwerthin.

Eto ma’ ‘na lot, ond hwn yw’r un mwyaf diweddar. Nethon ni golli fy Mam yng nghyfraith rai wythnosau yn ôl ar ôl salwch, ac yn gwbod y byddai ddim gyda fi a Mike yn ein priodas.

‘Nethon ni cynnal seremoni handfasting wrth ymyl ei gwely gyda’n teulu agos. Gofynnodd hi am dusw o flodau i helpu ni ddathlu. O’dd hi’n anrhydedd gallu ‘neud hyn iddi cyn iddi ein gadael ni. Bydd y foment gyda ni am byth.

Shirley Bassey. Achos ma hi’n awesome!