\n<\/p>\n
Ymatebodd llefarydd Plaid Cymru ar y Trysorlys, Ben Lake AS, i’r Gyllideb gan ddweud bod y Blaid Lafur “yn ymddangos fel pe bai wedi cyflwyno’r setliad ariannu gwaethaf i Gymru ers blynyddoedd.<\/p>\n
“Ar \u00f4l misoedd o addewidion yngl\u0177n \u00e2 pherthynas newydd \u00e2 Chymru a dull newydd gan y Trysorlys, y cwestiwn y bydd llawer yn ei ofyn yw \u2013 ble mae’r uchelgais?<\/p>\n
“Dewisodd y Canghellor beidio \u00e2 chyhoeddi faint o arian ychwanegol fyddai Cymru yn ei gael o ganlyniad i’r Gyllideb hon. <\/p>\n
“Wedi’i guddio yn y dogfennau mae tua \u00a3450m o gyllid ychwanegol dros gyfnod o dair blynedd. <\/p>\n
“Mae hynny’n llawer rhy isel i gadw i fyny \u00e2 chwyddiant, ac mae perygl y bydd yn gorfodi’r math o doriadau gwariant y profodd Cymru yn ystod blynyddoedd gwaethaf toriadau’r Tor\u00efaid.”<\/p>\n
Dywedodd llefarydd Reform yng Nghymru ar gyllid, Cai Parry-Jones AS: “Mae angen cynllun achub economaidd cynhwysfawr ar Gymru, ac roedd y Gyllideb hon ymhell o gyrraedd y nod hwnnw.<\/p>\n
“Mae hefyd yn amlwg, er gwaethaf yr hyn y mae Llafur wedi’i ddweud yng Nghymru, nad yw’r blaid yn cefnogi adeiladu ffordd liniaru’r M4.<\/p>\n
“Dim ond Reform fydd yn cyflawni dros ein heconomi ac yn cefnogi teuluoedd Cymreig sy’n gweithio’n galed gyda chostau byw.”<\/p>\n
Dywedodd Darren Millar AS, arweinydd y Ceidwadwyr Cymreig yn y Senedd: “Roedd Cyllideb heddiw yn gyfle i ddarparu’r buddsoddiad sydd ei angen ar Gymru, drwy ddull sy’n cefnogi’r Undeb, yn rhoi hwb i’n heconomi, yn gwella ein seilwaith trafnidiaeth ac yn creu swyddi medrus.<\/p>\n
“Yn hytrach, mae rhagolygon twf wedi’u gostwng, mae’r ddyled genedlaethol yn parhau i godi ac mae gwariant ar les yn cynyddu; o ganlyniad, mae’r baich ariannol yn disgyn ar y trethdalwyr, tra bod buddsoddiad hanfodol yn cael ei anwybyddu.”<\/p>\n<\/div>\n