\n<\/p>\n
Yn \u00f4l trigolyn arall, nad oedd eisiau cael ei enwi, mae’r yn sefyllfa yn “ddigalon”.<\/p>\n
“Mae ar raddfa ddiwydiannol. Mae’n drychinebus i’w weld,” meddai.<\/p>\n
Dywedodd Cyfoeth Naturiol Cymru (CNC) bod hysbysiad gorfodi wedi’i gyhoeddi i gael gwared ar y gwastraff o’r safle.<\/p>\n
Mae Cyngor Wrecsam wedi cyhoeddi hysbysiad atal dros dro hefyd, ar \u00f4l i “swm sylweddol” o ddeunydd gael ei ollwng “heb ganiat\u00e2d cynllunio”.<\/p>\n
Dywedodd y cyngor y bydden nhw hefyd yn cyflwyno hysbysiadau gorfodi ac atal “er mwyn cywiro’r sefyllfa a sicrhau bod y tir yn cael ei adfer”.<\/p>\n
Dywedodd Tom Lawson, o Goedpoeth, ei fod yn rhwystredig na chafodd y gweithgaredd ei atal gan CNC pan gafodd ei weld yn wreiddiol.<\/p>\n
Amcangyfrifodd fod miloedd o dunelli o ddeunydd yno – deunydd oedd, yn ei eiriau ef, yn edrych fel “gwastraff dymchwel o ansawdd isel” – gan nodi ei fod wedi gweld tar a batris plwm ymhlith y rwbel.<\/p>\n
Ychwanegodd Mr Lawson ei fod hefyd yn ofni y byddai’r rhai sy’n gyfrifol “yn syml, yn troi eu cefnau ar y cyfan”.<\/p>\n
“Bydd y cyhoedd yn cael eu gadael i dalu… mae hynny’n hollol anghywir,” meddai.<\/p>\n<\/div>\n