\n<\/p>\n
Wrth ddisgrifio yr hyn mae e’n ei gofio o’r digwyddiad ar 5 Chwefror, dywedodd y bachgen fod Vicki Williams wedi sylwi ar rywbeth yn ei fag tra’n edrych dros ei waith, a’i bod wedi gofyn iddo i dynnu’r peth oddi yno.<\/p>\n
Mae e’n dweud ei fod wedi tynnu’r gyllell o’i fag yn unol \u00e2 gorchymyn yr athrawes a bod y llafn yn pwyntio am i lawr.<\/p>\n
“Beth oedd ymateb Vicki Williams?,” gofynnodd ei fargyfreithiwr.<\/p>\n
“Mewn sioc, roedd ei cheg ar agor a’i llygaid yn llydan,” meddai.<\/p>\n
Mae e’n gwadu “hyrddio” at yr athrawes gyda’r gyllell.<\/p>\n
“Fe ddywedodd hi, ‘dere \u00e2 honna i mi’,” meddai, “fe ddywedais i ‘na’.”<\/p>\n
Esboniodd ei fod wedi gwrthod rhoi’r gyllell iddi, gan nad oedd eisiau mynd i drwbl am ddod \u00e2 chyllell i’r ysgol.<\/p>\n
Dywedodd iddi wedyn gydio yn llafn y gyllell \u00e2’i ddwy law, a’i fod ef wedi ceisio mynd \u00e2’r gyllell oddi wrthi.<\/p>\n
“Roedd y gyllell yn mynd i bobman,” meddai.<\/p>\n
Mae e’n gwadu gweld y gyllell yn cyffwrdd \u00e2’i phen ond yn derbyn fod hynny wedi digwydd.<\/p>\n
Dywedodd fod yr athrawes yn ymladd ag ef am ‘tua 10 eiliad’, cyn iddi sgrechian.<\/p>\n
“Aeth popeth yn ormod, felly fe redais i allan,” meddai.<\/p>\n
Mae e’n gwadu cynllunio yr ymosodiad ac yn dweud nad oedd hyn yn rywbeth yr oedd wedi dymuno i ddigwydd.<\/p>\n
Mae’r achos yn parhau.<\/p>\n<\/div>\n