\n<\/p>\n
Er bod addysg yn faes sydd wedi’i ddatganoli yng Nghymru, dywedodd Mr Woodhead mewn llythyr at ysgrifennydd addysg llywodraeth y DU fis diwethaf nad ydy’r “cynnydd mewn costau a’r refeniw coll sydd wedi arwain yr ysgol hon at bron orfod cau yn faterion datganoledig”.<\/p>\n
Ychwanegodd fod cynnydd yn y Cyflog Byw Cenedlaethol, Cyfraniadau Yswiriant Gwladol cyflogwyr a chyfraddau busnes yn ffactorau eraill sydd wedi cynyddu costau.<\/p>\n
Dywedodd maer y dref, y Cynghorydd Handel Davies, fod y pwysau sy’n wynebu’r coleg yn codi “pryderon enfawr” i’r dref.<\/p>\n
“Mae’n sefyllfa drist iawn. Byddai’n cael effaith ddinistriol ar y dref a’i busnesau pe bai’n cau,” meddai.<\/p>\n
“Mae’r dref yn amgylchynu’r coleg – dyma galon y dref.”<\/p>\n
Fel llywydd Clwb Rygbi Llanymddyfri, dywedodd ei fod yn poeni am ddyfodol rygbi hefyd, yn y dref sy’n cael ei chydnabod fel un o fannau geni’r g\u00eam.<\/p>\n
Dywedodd yr AS Plaid Cymru lleol, Ann Davies, ei bod hi’n “drist” o glywed am drafferthion y coleg.<\/p>\n
“Ers cenedlaethau, mae’r Coleg wedi bod yn rhan bwysig o wead ein cymuned leol, gan addysgu pobl ifanc o bob cwr o Gymru a thu hwnt yn ogystal \u00e2 chyflogi cannoedd o bobl leol,” meddai.<\/p>\n
“Mae ei gyfraniad yn ymestyn ymhell y tu hwnt i’r ystafell ddosbarth.”<\/p>\n<\/div>\n