\n<\/p>\n
Yn \u00f4l Mr ap Gwynfor, mae’r Llywodraeth wedi ymrwymo i gyflawni cynllun gweithlu er mwyn cadw graddedigion meddygol yn y Gwasanaeth Iechyd yng Nghymru.<\/p>\n
Dywedodd wrth Newyddion S4C ei fod yn awyddus i ddelio \u00e2’r mater o swyddi i raddedigion ac fe fydd uwchgynhadledd yn cael ei chynnal yn ddiweddarach ym mis Mehefin i “ddatrys y broblem tymor byr gyda’r rheini sydd ddim yn gallu ffeindio gwaith”.<\/p>\n
Mae’r graddedigion meddygol am fod “yn weithwyr holl bwysig i’r gwasanaeth iechyd”.<\/p>\n
“Mae’r sefyllfa yn un gwbl anfoddhaol.<\/p>\n
“Dyle ni ddim fod wedi ffeindio ein hunain ynddi i ddechrau.” Esboniodd y daw hyn o ganlyniad i “benderfyniadau a wnaed yn \u00f4l yn 2022 ac felly mae’n mynd i gymryd amser i hynna weithio trwy’r system oherwydd ddaru’r llefydd yma gael eu comisiynu bryd hynny,” meddai.<\/p>\n
Mae angen “gwneud yn si\u0175r nad ydyn ni’n ffeindio ein hunain yn y sefyllfa fel yma yn y dyfodol trwy ddatblygu cynllun gweithlu amgenach er mwyn gwneud yn si\u0175r bod ni’n ateb y problemau yma”.<\/p>\n
Fel rhan o becyn ehangach i feddygon teulu dywedodd Mr ap Gwynfor wrth Newyddion S4C fod y llywodraeth am gyflwyno 100 o feddygon teulu wedi eu cyflogi gan GIG i weithredu “yn yr ardaloedd lle ma’r problemau mwyaf acute<\/i> er mwyn tynnu pwysau oddi ar y meddygon yno ac oddi ar yr adrannau brys.”<\/p>\n
“Mi fydd pobl yn cael eu gweld yn gynt a fod pobl yn cael triniaeth ynghynt.”<\/p>\n
“Byddwn yn cynnig cefnogaeth i feddygfeydd sydd angen cefnogaeth er mwyn datblygu eu lleoliadau nhw i ddenu mwy o feddygon teulu.”<\/p>\n<\/div>\n