\n<\/p>\n
Fe wnaeth ymosodiadau terfysgol Oklahoma City ar 19 Ebrill, 1995, achosi ymdeimlad o sioc ac arswyd ledled y byd. Lladdwyd 168 o bobl ac anafwyd 684.<\/b><\/p>\n
Cafodd Timothy McVeigh ei ddyfarnu’n euog am y weithred, gyda g\u0175r o’r enw Terry Nichols yn euog o’i gynorthwyo. Dienyddwyd McVeigh yn 2001, ac fe gafodd Nichols ddedfryd o garchar am weddill ei oes.<\/p>\n
Mae rhaglen ddogfen newydd, Oklahoma City Bombing: One Day in America<\/i>, sy’n ymddangos ar Disney+ ac Hulu’n olrhain hanes yr hyn ddigwyddodd, drwy gyfweld ag unigolion oedd yno ar y diwrnod erchyll hwnnw.<\/p>\n
Mae’r gyfres yn cynnwys tair pennod, ac mae wedi ei henwebu ar gyfer gwobr yn y Primetime Emmy Awards<\/i>, yn y categori Outstanding Research: Documentary<\/i>.<\/p>\n
Rhywun a oedd yn gweithio ar y gyfres oedd y cyfarwyddwr Ceri Isfryn. Siaradodd Ceri ar raglen Dros Frecwast ar BBC Radio Cymru ar ddydd Gwener, 22 Mai<\/a>.<\/p>\n “Roedd hi’n stori yr oedden ni’n ymwybodol ohoni o’r blaen, ond dwi ddim yn credu mod i cweit wedi deall pa mor fawr oedd y digwyddiad, a’r ymosodiad cyntaf o’i fath yn America ar y pryd. <\/p>\n “Heddiw, ‘dan ni wrth gwrs, yn drist iawn, yn fwy ymwybodol o’r math yma o ymosodiad, ond ar y pryd roedd y sioc yn enfawr ac yn anodd ei gredu.”<\/p>\n<\/div>\n