\n<\/p>\n
Mae teulu dyn o Aberaeron a fu farw mewn gwrthdrawiad yng Ngheredigion wedi rhoi teyrnged iddo.<\/b><\/p>\n
Bu farw Lee Barber, 19 oed, yn dilyn gwrthdrawiad ar yr A482 rhwng Llanbedr Pont Steffan a Chiliau Aeron ddydd Mawrth, 24 Mawrth.<\/p>\n
“Does na ddim geiriau all ddisgrifio’r boen ‘dan ni’n ei deimlo fel teulu.<\/p>\n
“Mae colli ein mab Lee, wedi ein llorio ni ac wedi effeithio’n ddwys ar y gymuned ehangach.”<\/p>\n
Ychwanegodd ei deulu fod Lee yn “fab cariadus wnaeth fyw ei fywyd i’r eithaf”. <\/p>\n
“Bydd Lee yn cael ei gofio am ei garedigrwydd, ei gryfder, a’i agwedd bositif. <\/p>\n
“Roedd ganddo’r gallu i ddod \u00e2 phobl at ei gilydd gan adael effaith barhaol ar bawb oedd yn ei nabod.”<\/p>\n
Diolchodd y teulu “i bawb yn y gymuned leol ac ymhellach am yr holl gefnogaeth rydym wedi’i derbyn”.<\/p>\n
“Mae’r holl negeseuon, y straeon, yr atgofion a’r lluniau sydd wedi’u rhannu gyda ni yn golygu mwy nag y gall geiriau ei fynegi.<\/p>\n
“Bydd ein bachgen Lee yn byw am byth yn ein calonnau ac yn ein meddyliau.”<\/p>\n
Mae’r teulu wedi gofyn am breifatrwydd er mwyn medru galaru.<\/p>\n<\/div>\n