\n<\/p>\n
Yr hyn sydd ar werth fel rhan o’r stad yw tir ffermio 901 acer a thri ffermdy ar hyd arfordir ardal Pontllyfni sydd y tu allan i’r waliau.<\/p>\n
Mae’r Arglwydd Newborough, sef yr 8fed Barwn i ddal y teitl, hefyd yn berchen ac yn byw ar stad Rhug ger Corwen ac fe ddywedodd ei fod yn gwerthu stad Glynllifon gan “nad yw hi’n bosib iddo fod ymhob man”.<\/p>\n
Dywedodd yr Arglwydd Newborough: “Dwi wrth fy modd yno, mae golygfeydd prydferth a phobl hyfryd, ond dwi’n 77 oed ac dwi wedi gorfod gwneud y penderfyniad anodd yma, does gen i neb arall i reoli’r stad.”<\/p>\n
Yn \u00f4l John Dilwyn Williams, mae gwerthu’r stad yn dod \u00e2 chyfnod hanesyddol pwysig o ran cysylltiad y teulu i ben yn yr ardal.<\/p>\n
“Mae cysylltiad y teulu Wynniaid wedi chwarae rhan allweddol yn yr ardal.<\/p>\n
“Syr Thomas Wynn ddaeth yr Arglwydd Newborough cyntaf yn 1776 a dros y degawdau wedyn roedd y teulu yn ddylanwadol iawn yn wleidyddol.<\/p>\n
“Roedd aelodau o’r teulu yn priodi teuluoedd bonedd mewn ardaloedd eraill, felly roedd dylanwad a thir y Wynniaid yn ymestyn y tu hwnt i Glynllifon.<\/p>\n
“Yn sicr bydd gwerthu beth sy’n weddill o’r stad Glynllifon yn ddiwedd cyfnod fod cysylltiad y teulu efo’r ardal yma’n dod i ben,” meddai.<\/p>\n
Mae stad Glynllifon wedi’i roi ar werth am bris o \u00a310.9m.<\/p>\n<\/div>\n