\n<\/p>\n
Rhoddodd Joe Rodon y dechrau perffaith i Gymru ar \u00f4l i’r t\u00eem cartref fygwth g\u00f4l Gwlad Belg sawl tro yn y munudau agoriadol.<\/p>\n
Roedd yr amddiffynnwr yn rhydd yng nghwrt yr ymwelwyr i benio i’r rhwyd o gic gornel Sorba Thomas wedi saith munud.<\/p>\n
Ond fe wnaeth Gwlad Belg daro’n \u00f4l bron yn syth drwy gic o’r smotyn dadleuol Kevin De Bryune.<\/p>\n
Roedd y dyfarnwr fideo wedi ymyrryd ar \u00f4l i’r b\u00eal daro llaw Ethan Ampadu yn y cwrt, ac bod ei fraich wrth ei ochr, a’r b\u00eal wedi ei tharo yn agos iddo, fe gytunodd y dyfarnwr ar y cae ei bod yn drosedd gan y Cymro.<\/p>\n
Roedd y g\u00eam wedi ei throi ar ei phen yn fuan wedyn wrth i Jeremy Doku ddyfalbarhau i lawr asgell chwith Cymru. <\/p>\n
Tynnodd y b\u00eal yn \u00f4l yn berffaith i Thomas Meunier oedd wedi amseru ei rediad yn berffaith i’r cwrt, a tharo chwip o ergyd heibio Karl Darlow yn y g\u00f4l i Gymru.<\/p>\n
Fe allai Gwlad Belg fod wedi manteisio ymhellach hefyd, wrth i Arthur Theate wastraffu cyfle da yn y cwrt cyn i Rodon lwyddo i atal ergyd Leandro Trossard gydag amddiffyn gwych cyn yr egwyl.<\/p>\n
Roedd Doku’n parhau’n fygythiad i lawr yr asgell, gan greu cyfle da i De Bryune, ond tarodd yntau ei ergyd ymhell dros y trawst.<\/p>\n
Yr ymwelwyr, felly oedd ar y brig ar yr hanner o 2 i 1.<\/p>\n<\/div>\n