\n<\/p>\n
Mae’r gwleidydd, y Farwnes Jenny Randerson, wedi marw yn 76 oed, mae’r Democratiaid Rhyddfrydol wedi cadarnhau.<\/b><\/p>\n
Bu farw yn ei chartref yng Nghaerdydd ddydd Sadwrn.<\/p>\n
Ar \u00f4l dechrau gyrfa ym myd addysg, bu’r Farwnes Randerson yn gynghorydd yng Nghaerdydd cyn cael ei hethol i Senedd Cymru, neu’r Cynulliad fel yr oedd ar y pryd, fel yr aelod cyntaf dros Ganol Caerdydd yn 1999.<\/p>\n
Jenny Randerson oedd y Democrat Rhyddfrydol benywaidd cyntaf i gael ei phenodi yn weinidog mewn unrhyw lywodraeth dros y DU – a hynny wrth fod \u00e2 chyfrifoldeb am y celfyddydau, chwaraeon a’r Gymraeg rhwng 2000 a 2003.<\/p>\n
Dywedodd y blaid ei bod hi’n “allweddol” wrth sefydlu strategaethau celfyddydol ac ieithyddol yn ystod y cyfnod.<\/p>\n
Cafodd ei gwneud yn Farwnes pan adawodd y Cynulliad yn 2011 ac yn ystod ei chyfnod yn Nh\u0177’r Arglwyddi fe wnaeth wasanaethu fel Is-ysgrifennydd Gwladol dros Gymru rhwng 2012 a 2015.<\/p>\n
Dywedodd arweinydd y Democratiaid Rhyddfrydol Cymreig bod y Farwnes Randerson wedi “rhoi ei bywyd i wasanaethu pobl Caerdydd a Chymru”.<\/p>\n
Ychwanegodd Jane Dodds AS: “O fynediad am ddim i amgueddfeydd cenedlaethol Cymru, i’r penderfyniad i adeiladu Canolfan y Mileniwm, fe wnaeth ei gwaith fel gweinidog adael marc parhaol ar ein gwleidyddiaeth a’n cymdeithas.<\/p>\n
“Bydd colled ar ei h\u00f4l gan ei theulu, ffrindiau, cydweithwyr, a’r llawer o unigolion y gwnaeth ei gwaith eu heffeithio.”<\/p>\n<\/div>\n